Дэвис Кубогы 2023

Дэвис Кубогы (Davis Cup) – Қазақстан Ұлттық құрамасы тұрақты қатысатын ерлер арасындағы ең ірі халықаралық командалық теннис жарысы.

Әйелдер командалары арасындағы ұқсас турнир - Билли Джин Кинг Кубогы (бұрын Федерация Кубогы ретінде белгілі).

Жүз жылдан асатын тарихы бар Дэвис кубогы ұлттық құрамалардың бейресми чемпионаты аталады. Мұнда командалар дәрежесіне қарай, үш топқа бөлінеді. Бірінші топ – әлемдік элита. Яғни әлемнің мықты құрамалары өзара жеңімпаздарды анықтайды. Екіншісі – аймақтық топтар (Америка, Еуропа/Африка, Азия/Мұхит аралдары). Үшіншісі – аутсайдерлер тобы. Осы жерде айта кетейік, төменгі топтың үздігі жоғарғы топқа өтсе, керісінше, жоғарғы топта аутсайдер атанған команда төменгі топқа түседі. Ескерте кетер тағы бір жайт, Дэвис кубогында теннисшілер жекелей де, жұптасып та өнер көрсетеді.

Ал Қазақстан Дэвис кубогында Азия және Мұхит аралдары аймағында өнер көрсетеді.