Astana Open WTA 250 турнирінің әйелдер арасындағы додасында да үйсіз жануарлар назардан тыс қалмады

27.09.2021    Оқылғаны: 523
Дереккөз: ҚТФ баспасөз қызметі
Автор:
Astana Open WTA 250 турнирінің әйелдер арасындағы додасында да үйсіз жануарлар назардан тыс қалмады. Қазақстандық теннис федерациясы вице-президенті Юрий Польский мен ұлттық құраманың капитаны Ярослава Шведова, турнирге қатысушылар Юлия Путинцева, Анна Конюх және Кристина Младеновичтер еріктілердің жұмысын қолдау мақсатында «Клуб добряков Астана» өкілдерімен бірге жергілікті уақытша паналау ұйымдарындағы үй жануарларымен кездесті. Шара Ұлттық теннис орталығының алаңында өтті, онда бүгін Қазақстан тарихында WTA сериясының бірінші турнирі - Astana Open 250 басталған еді. Иттер мен мысықтарға мейірім мен қамқорлық көрсетілді, олар доп ойнап, теннисшілермен көңіл көтерді.
 
 
Юрий Полский, Қазақстан теннис федерациясының вице -президенті
 
Қазақстанда үйсіз жануарлар мәселесі өте өзекті болып тұр. Біз үй жануарларының  жаңа қожайын тауып, өздерін жайлы сезінуі үшін қоғам назарын аударғымыз келеді. ATP да, WTA да біздің бастамаларды белсенді қолдайды, біз қазақстандық клубтармен ынтымақтастықта боламыз. Егер адамдардың үйге жануарларды алып кетуге мүмкіндігі болмаса, олар қаржылық қолдау көрсете алады, немесе азық-түлік пен заттарды жеткізіп беруіне болады. Мұндай жобаларға өте разымыз және мұндай бастамалардың арқасында үй жануарларының жай-күйі жақсарар деп үміттенеміз.
 
Ярослава Шведова, Қазақстан құрамасының капитаны:
 
Мен үй жануарларын уақытша  паналату орталығынан алуға тырысамын. Ондай жерлерде орын жеткіліксіз, үйсіз жануарлар көп, бұл біз адамдарға жеткізуге тырысатын маңызды мәселе. Жаңа қожайын, жаңа баспана іздейтін жануарлар көп. Біз адамдарға олардың қаншалықты жақсы және мейірімді екенін көрсете аламыз деп үміттенеміз.
 
Юлия Путинцева, Astana Open WTA 250 турнирінің бірінші сатысы
 
Бізде әлеуметтік желілерімізге жазылушыларымыз өте көп. Мүмкін, біз тіпті әлемді жақсы жаққа өзгерте алатын шығармыз, бұл өте маңызды нәрсе ғой. Шын мәнінде үйсіз жүрген жануарларды қолдаудың керемет тәсілі. Мен жануарларды шынымен жақсы көремін. Теннис ойынын ойнауды тастаған кезде  екі ит пен бір мысық асырап аламын.
 
Анна Конюх
 
Бұл үлкен әлеуметтік оқиға. Жануарлар - біздің өміріміздің бөлінбес бөлшегі. Менің ойымша, олардың барлығы махаббатқа, қамқорлыққа зәру.
 
 
Біз қолдау көрсеткісі келетіндерге үй жануарларын уақытша паналату орнының деректерін ұсынамыз.
Инстаграм: @ angels.heart.2019
Реквизиттер:
Caspі Gold: 5169497127453854
Қазком: 4405639732151004
 

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация демеушілері мен серіктестері

Ақпараттық серіктестер