2021 жылғы «Президент Кубогына» 100-ден астам теннисші қатысады

06.07.2021    Оқылғаны: 377
Дереккөз: ҚТФ баспасөз қызметі
Автор:
«Президент Кубогы» аясында Нұр-Сұлтан қаласының Ұлттық теннис орталығының корттарында ATP Challenger Tour және ITF Women что's World Tennis Tour сериялары: 11-18 шілде аралығында - Kerey Challenger 80 және Tomiris W 60, ал 18-25 шілде аралығында - Zhanibek Challenger 80 үш халықаралық турнир өтеді, деп хабарлайды ҚТФ баспасөз қызметі.
 
Топырақтағы және шөптегі бірқатар турнирден кейін «Президент Кубогы» іс жүзінде US Open алдындағы хард жабындар бойынша әлемдегі алғашқы жарыс болмақ. Жарыстың бет-бейнесін қалыптастыру үшін ұйымдастырушылар турнирлерді ұлы тарихи тұлғалардың құрметіне атауға шешім қабылдады.
 
Әйелдер турнирі ұлы билеуші, талантты әскери стратег, сұлу және дана сүйікті ана ретінде тарихта қалған скиф патшайымы Томиристің есімімен аталады. Парсыларды жеңгеннен кейін Томирис өз халқын ұзақ және ақылды басқарды. Оның тағдыры амазондар туралы аңыз тудырған.
 
Ерлердің екі турнирі Керей мен Жәнібектің құрметіне аталған. Өздерін «қазақтар» деп атаған халықтың пайда болуы, сондай-ақ жаңа мемлекеттің тарихи аренасына шығуы солардың есімдерімен тығыз байланысты. Керей мен Жәнібек тарихқа Қазақ хандығының негізін қалаушылар ретінде жазылған.
 
«Президент кубогы» Қазақстан теннис федерациясы өткізетін дәстүрлі ең ірі халықаралық турнир саналады. Бай тарихы бар, 1991 жылдан бері өткізіліп келеді және Қазақстандағы ең беделді теннис турнирлерінің бірі деп айтуға болады. 2007 жылы АТР Челленджер сериясы, сондай-ақ ITF Women's турнирлері аясында жаңа деңгейге шықты, жарысқа Михаил Кукушкин, Андрей Голубев, Александр Недовесов, Александр Бублик, Юлия Путинцева, Ярослав Шведованы қоса алғанда, Қазақстанның белді теннисшілері қатысты.  Осы жылы Денис Евсеев, Гозаль Айнитдинова, Достанбек Ташбулатов, Жібек Құламбаева,  Григорий Ломакин және басқа да көптеген жас теннисшілер ойнайды. «Негізгі міндет – осындай қиын-қыстау кезде Нұр-Сұлтанда біздің жастарымыз қажетті тәжірибе алуы үшін әлемнің түкпір-түкпірінен жақсы ойыншыларды жинау. Барлық қауіпсіздік шараларын қамтамасыз ете отырып, жарысты жоғары деңгейде өткізгіміз келеді. «Президент Кубогы» әрқашан жоғары мәртебеге ие болғанын ерекше атап өткім келеді. Бір кездері мұнда қазіргі әлемдік рейтингтегі теннисшілер: Даниил Медведев, Андрей Рублев, Карен Хачанов, Миомир Кечманович, Себастьян Корда, мысалы, кеше Уимблдонда 1/8 финалға шыққан және басқа да көптеген танымал ойыншылар ойнаған. Біздің турнир көптеген теннисшінің жарқырап көрінуіне мүмкіндік берген. Даңқты дәстүр жалғаса береді деп үміттенемін», - деді ФТК вице-президенті Юрий Польский.
 
Барлық матчттың тікелей эфирін WWW.KTF.KZ сайтынан тамашалауға болады.
 
Турнирлердің бас демеушісі – Beeline.
Ресми серіктестер – Kazzinc, Samruk Kazyna, Aqua Rossa, "Давай сходим".
 

 

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация демеушілері мен серіктестері

Ақпараттық серіктестер