Елена Рыбакина Германиямен матчта Қазақстанды алға шығарды

01.01.2025    Оқылғаны: 184
Дереккөз: ҚТФ баспасөз қызметі
Автор:
Аустралияның Перт қаласында Қазақстан құрамасы United Cup турнирінің ширек финалында өткен жылғы чемпион Германиямен бетпе-бет келді.

Алғашқы ойында әлемнің 6-ракеткасы Елена Рыбакина дүниежүзілік рейтингіде 80-орында тұрған Лаура Зигемундпен сынға түсті.

Бірінші партияда есеп 3:2 болған мезетте Рыбакина брейк жасай білді – 4:2. Сет біткенше сол басымдылығынан айырылған жоқ – 6:3.

Екінші сетте қазақстандық теннисші тағы да алға кетті – 2:1. Тағы бір брейк – 4:1. Сосын матчты тағы бір брейкпен түйіндеді – 6:1.

Осылайша, Елена Рыбакина Қазақстанды алға шығарды – 1:0.

Бұдан кейін рейтингіде 78-сатыдағы Александр Шевченко әлемнің 254 ракеткасы Даниэль Мазурмен кортқа шығады.

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация серіктестері

Ақпараттық серіктестер