Ломакин мен Құламбаева ITF турнирлерінің жеңімпаздары атанды

Қазақстандық Григорий Ломакин жұптық сында Шымкент ITF  турнирінің чемпионы атанды.

Жарыстың 2-ракеткалары болып тіркелген қазақстандық теннисші ресейлік Павел Вербинмен бірге төрт кездесуін сәтті өткізді.

Соның ішінде қазақстандық-ресейлік жұп финалда доданың 1-ракеткалары, үндістандықтар Праджвал Дев - Сай Картик Реддимен бас жүлдені сарапқа салды. Ломакин - Вербин тартысты матчта 7:6 (11:9), 6:3 есебімен жеңіске жетті.

 

Жібек Құламбаева жұптық сында Хаммамет (Тунис) ITF W35 турнирінің чемпионы атанды.

Жарыстың 1-ракеткалары болып тіркелген Құламбаева – нидерландылық Жасмин Гимбрере барлығы төрт кездесу өткізіп, бәрінде жеңіске жетті.

Соның ішінде жартылай финалда эквадорлық Мария Фернанда Эрасо Гонсалес — алжирлік Инес Иббуді 6:4, 6:4 есебімен тізе бүктірді. 

Соңғы бәсекеде Жібек Құламбаева – Жасмин Гимбрере доданың 2-ракеткалары, аустралиялық Кайла Макфи – ресейлік Ксения Зайцевадан 6:4, 7:5 есебімен басым түсті.