Александр Бублик Дубай ATP 500 турнирінің екінші айналымына өтті

27.02.2024    Оқылғаны: 138
Дереккөз: ҚТФ баспасөз қызметі
Автор:

Александр Бублик Дубай ATP 500 турнирін сәтті бастады.

Жарыстың 7-ракеткасы болып тіркелген қазақстандық спортшы бастапқы кездесуін дүниежүзілік рейтингіде 65-орында тұрған, доданы іріктеу сайысынан бастаған чехиялық Томаш Махачпен өткізді.

Чехия өкілі матчты қарқынды бастады — 6:2.

Есесіне екінші сетте Бублик есе қайырды — 6:3.

Үшінші, шешуші партияда есеп 6:5 болып, матчқа доп бергенде, Бублик сол мүмкіндігін мүлт жіберді. Дегенмен тай-брейкте жеңісті жұлып алды — 7:6 (7:5).

Александр Бублик жүлде қоры 2,9 млн АҚШ долларына бағаланған турнирдің ширек финалына шығу үшін әлемнің 28-ракеткасы, нидерландтық Таллон Грикспорпен шеберлік байқасады.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация серіктестері

Ақпараттық серіктестер