Дэвис кубогі: Қазақстан – Чили матчының жеребесі тартылды

Ла Серена қаласында Дэвис кубогі аясында өтетін Чили – Қазақстан іріктеу матчының жеребесі тартылды.

4 ақпан, алғашқы күні бірінші болып кортқа Тимофей Скатов пен Кристиан Гарин шығады.

Бәсеке Астана уақытымен сағат 21.00-де басталады. Содан кейін Александр Бублик пен Николас Харриге кезек келеді.

Келесі, 5 ақпан күні сағат 22.00-ден бастап үш кездесу жоспарланған. Алдымен Александр Недовесов пен Андрей Голубев жұптық сында Алехандро Табило – Томас Бариошпен шеберлік байқасады. Сосын Бублик Гаринмен, Скатов Харримен ойнайды.

Жеңімпаз команда Дэвис кубогінің финалдық кезеңіне жолдама алады.