Australian Open-2023: Юлия Путинцева екінші айналымға шықты

Қазақстандық, әлемнің 47-ракеткасы Юлия Путинцева Аустралия ашық чемпионатының екінші айналымына шықты.

Қазақстандық теннисші бастапқы кездесуін әлемнің 42-ракеткасы, румыниялық Сорана Кырстямен өткізді. Бірінші партияда румыниялық спотшы басым түсті - 6:2. Есесіне содан кейін Юлия таразы басын аудара білді - 6:4, 6:3.

Екі сағатқа жуық уақытқа созылған матчта Путинцева 3 эйспен бірге бес брейк-пойнтты түгел пайдалана білді. Қазақстандық теннисші үшінші айналымға шығу үшін әлемнің 31-ракеткасы, чехиялық Каролина Плишковамен кездеседі.