Зарина Дияс тенниске қашан қайта оралатынын айтты

Қазақстандық Зарина Дияс тенниске жарты жылдық үзілістен кейін қайта оралмақшы.

«Өткен жыл мен үшін күрделі болды. Денсаулығыма орай қиындықтар туындап, үзіліс алуыма тура келді. Сондықтан рейтингім де төмендеп кетті. Қазір қалпыма келіп жатырмын, денсаулығым жақсарып қалды. Теннис, турнир, жанкүйерлерді сағындым. Тенниске сәуір айында оралуды көздеп отырмын. Бәріңізді Жаңа жылмен құттықтап, тыныштық, ашық аспан, барша жақсылықты тілеймін», -деді Дияс.