
Голубев пен Недовесов Швейцариядағы турнирдің жартылай финалына шықты
Қазақстанның жұптық сындағы мықтылары Александр Недовесов пен Андрей Голубев Базель (Швейцария) ATP 500 турнирінің жартылай финалына шықты.
Қазақстандық жұп ширек финалда бразилиялық Рафаэль Матос – испаниялық Давид Вега Эрнандеспен күш сынасты. Голубев пен Недовесов қарсыластарынан 7:5, 6:3 есебімен басым түсті.
Андрей Голубев пен Александр Недовесов финалға шығу үшін хорватиялық Иван Додиг – америкалық Остин Крайчекпен кездеседі. Бұл жұп ширек финалда жарыстың бірінші ракеткалары, сальвадорлық Марсело Аревало – нидерландылық Жан-Жюльен Ройерді қапы қалдырды – 6:4, 6:3.
Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.


























