Анна Данилина Мексикадағы турнирде сенсация жасады

Қазақстандық Анна Данилина Гвадалахарада (Мексика) өтіп жатқан әйелдер арасындағы WTA1000 жұптық турнирдің финалына шықты.

Жартылай финалдық кездесуде ол бразилиялық Беатриз Хаддад Майямен бірге әйелдер жұптарының көшбасшылары – чех дуэті Барбора Крейчикова / Катерина Синякованы – 6:2, 5:7, 10:7 есебімен ұтты.

Олардың финалдағы қарсыластары әлі анықталмаған.

Осы жеңісінің арқасында Данилина 31 қазан мен 7 қараша аралығында АҚШ-тың Техас штатындағы Форт-Уэрт қаласында өтетін соңғы WTA турнирінде өнер көрсететін болды. Ол осы жетістікке қол жеткізген тарихтағы екінші қазақстандық теннисші атанды. Бұған дейін Ярослава Шведова финалдық турнирге жолдама алған болатын.