Канаданың теннис жұлдызы Феликс Оже-Альяссиим

АТР 500 Astana Open турнирінің басталуына бір айдай уақыт қалды. Қазақстан теннис федерациясы баспасөз қызметі Канаданың бірінші ракеткасы Феликс Оже-Альяссииммен танысуды ұсынады.

Феликс 2000 жылы 8 тамызда Монреалда дүниеге келді. Спортшының әкесі Сэм Алясим теннис жаттықтырушысы, анасы Мари Оже мұғалім. Теннистегі алғашқы қадамын Феликс бес жасында жасады. Қазір Оже Монте-Карлода (Монако) тұрады. Теннистегі кәсіби мансабын 2017 жылы бастаған.
2018 жылы канадалық ойыншы Алматыдағы «Челленджерде» ойнап, бірінші айналымда Николай Милошевичтен ұтылды– 4:6, 6:1, 5:7.

Жетістіктері:
Канада құрамасы сапында ATP Кубогының жеңімпазы (2022) және Дэвис кубогының финалисті (2019). Жасөспірімдер арасындағы әлемнің бұрынғы екінші ракеткасы. Жеке (2016) және жұптық (2015) сындағы жасөспірімдер арасындағы АҚШ ашық чемпионатының жеңімпазы.