ATP 500 Astana Open турниріне билеттер сатылымы бастады

Жарыс ағымдағы жылдың 1-9 қазан аралығында елорданың Beeline Arena Ұлттық теннис орталығында өтеді. Ойындар күндізгі және кешкі сессияларға бөлінеді.
 
Билеттердің бірнеше санаты сатылымға шығады:
 
- General public-үш баға сегментінде ұсынылған билеттердің ең үлкен және қол жетімді санаты;
- Премиум санатында лаунж аймағы қарастырылған, сондай-ақ екі баға сегменті бар. «Премиум» санатындағы билеттерді күндізгі және кешкі сессияларға қолдануға болады.
 
Билет құны 1000 теңгеден басталады. Сондай-ақ, күндізгі және кешкі сессияларға барлық күндерге аранлған пакеттік билет сатып алуға болады.
 
Турнирге билеттер үш кезеңмен сатылады:
 
Біріншісі-2022 жылғы 12-31 тамыз аралығында Қазақстан теннис федерациясының 30 жылдығына орай 30% жеңілдікпен (айырбастауға және қайтаруға жатпайды);
Екіншісі-2022 жылғы 1-18 қыркүйек аралығында;
Үшіншісі-2022 жылғы 19 қыркүйектен бастап 9 қазанға аралығында.

Билеттерді zakazbiletov.kz, ticketon.kz және kassir.kz сайттарынан онлайн түрде сатып алуға болады