Теннистен Дэвис кубогы: Қазақстан – Норвегия матчында Бублик таразы басын теңестірді

04.03.2022    Оқылғаны: 1402
Дереккөз: ҚТФ баспасөз қызметі
Автор:
Ослода Дэвис кубогының іріктеу кезеңінде Норвегия – Қазақстан матчында Александр Бублик пен Виктор Дурасович кортқа шықты, деп хабарлайды ҚТФ баспасөз қызметі.

Бублик Қазақстанның бірінші, әлемнің 32-ракеткасы болса, қарсыласы дүниежүзілік рейтингте 321-орында тұр. Бірінші партияда бірден ойын тізгінін қолына алған қазақстандық теннисші брейкпен алға кетті – 2:0. Осы басымдылығын сақтай білді – 6:3. Екінші сетте есеп 2:2 болған мезетте Бублик брейк жасай алды. Тағы бір брейк – 5:2. Сосын кездесуді эйспен бітірді – 6:2. Бір сағаттан сәл астам уақытқа созылған бәсеке барысында Бублик 11 эйс жасап, 3 брейкке қол жеткізді.

Осылайша Александр Қазақстан – Норвегия матчында таразы басын теңестірді. Есеп – 1:1. Қалған ойындар 5 наурыз күні болады. Үш жеңіске қол жеткізген құрама Дэвис кубогының финалдық кезеңіне жолдама алады.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер