Елорда жүлде қоры 60 000 АҚШ долларын құрайтын «Forte 60 Woman's» әйелдер турнирін күтуде

2022 жылдың 21-27 ақпан аралығында Ұлттық теннис орталығында ITF World Tennis Tour «Forte 60 Women's» халықаралық жарысы өтеді.

Оған әлемдік рейтингтің үздік 100 және 200 орында тұрған ойыншылары қатысады. Олардың ішінде: бельгиялық Грет Миннен (96 WTA), Үлкен дулығаның жұптық жарысындағы төрт турнирінің жүлдегері венгриялық тимей Бабош (202 WTA), британдық Харриет Дарт (132 WTA), жапондық Мия Хонтама (138 WTA), украиндық Дария Снигур (141 WTA), испандық Алена Большова (151 WTA), Грузиядан келген Мариам Болквадзе (177 WTA) және басқалар.

Қазақстан намысын Жибек Куламбаева, Гозаль Айнитдинова, Аружан Сагандыкова, Дана Байдаулет, Екатерина Дмитириченко және т.б. қорғайды.

ITF World Tennis Tour әйелдер турниріне бес санаттағы жарыстар кіреді: $15 000, $25 000, $60 000, $80 000 және $100,000. Нұр-Сұлтандағы турнир үшінші санатта өтеді. 

Өткен жылдың жазында Нұр-Сұлтанда өткен осындай деңгейдегі соңғы турнирде Грузиядан келген Мариам Болквадзе титулды жеңіп алды.

Бас демеушілер: «ForteBank» және «Beeline».