
Australian Open: Анна Данилина жұптық сында финалға шықты
Қазақстанның жұптық сындағы бірінші ракеткасы Анна Данилина Аустралия ашық чемпионатының финалына шықты, деп хабарлайды ҚТФ баспасөз қызметі.
Данилина бразилиялық Беатрис Хаддад Майямен бірге жартылай финалда жарыстың 2-ракеткалары, жапониялықтар Сюко Аояма – Ена Шибахарамен шеберлік байқасты. Жуырда Сидней WTA турнирінде Анна мен Беатрис қарсыластарын тізе бүктірген болатын. Бұл жолы бірінші партияда қазақстандық-бразилиялық жұп басым түсті – 6:4. Екіншісінде жапониялықтар есе қайырды – 7:5. Үшінші, шешуші сетте Анна мен Беатрис қайтадан таразы басын өздеріне аударды – 6:4. Қазақстандық-бразилиялық жұп 2 сағат 20 минутқа созылған тартысты бәсекеде 2 эйс жасап, 9 брейк-пойнттың төртеуін пайдаланды. Қарсыластары 1 эйс, 3 брейкпен (11 брейк-пойнт) шектелді.
Осылайша Анна Данилина өз спорттық жолында алғаш рет «Үлкен дулыға» турнирінің финалына шықты. Анна мен Беатрис финалда доданың 1-ракеткалары, чехиялықтар Барбора Крейчикова – Катерина Синяковамен кездеседі.
Данилина бразилиялық Беатрис Хаддад Майямен бірге жартылай финалда жарыстың 2-ракеткалары, жапониялықтар Сюко Аояма – Ена Шибахарамен шеберлік байқасты. Жуырда Сидней WTA турнирінде Анна мен Беатрис қарсыластарын тізе бүктірген болатын. Бұл жолы бірінші партияда қазақстандық-бразилиялық жұп басым түсті – 6:4. Екіншісінде жапониялықтар есе қайырды – 7:5. Үшінші, шешуші сетте Анна мен Беатрис қайтадан таразы басын өздеріне аударды – 6:4. Қазақстандық-бразилиялық жұп 2 сағат 20 минутқа созылған тартысты бәсекеде 2 эйс жасап, 9 брейк-пойнттың төртеуін пайдаланды. Қарсыластары 1 эйс, 3 брейкпен (11 брейк-пойнт) шектелді.
Осылайша Анна Данилина өз спорттық жолында алғаш рет «Үлкен дулыға» турнирінің финалына шықты. Анна мен Беатрис финалда доданың 1-ракеткалары, чехиялықтар Барбора Крейчикова – Катерина Синяковамен кездеседі.
Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.


























