Теннистен Дэвис кубогы: Бублик Қазақстан - Швеция матчында есепті теңестірді

27.11.2021    Оқылғаны: 538
Дереккөз: ҚТФ баспасөз қызметі
Автор:
Мадридте өтіп жатқан Дэвис кубогы финалдық кезеңінің топтық бәсекесінде Қазақстан - Швеция матчында Александр Бублик есепті теңестірді, деп хабарлайды ҚТФ баспасөз қызметі.


Қазақстанның бірінші теннисшісі швециялық Микаэль Имермен күш сынасты. Бірінші ойында Михаил Кукушкин жеңіліп қалғаннан кейін А.Бубликке қалайда таразы басын теңестіру керек еді. Бірінші партияда М.Имер 3:0 есебімен алға шықты. Сосын осы басымдылығын сақтай алды - 6:3. Есесіне екінші сетте есеп 4:4 болғанда, Бублик брейк жасап, өз геймін де алды - 6:4. Үшінші, шешуші партияда А.Бублик қарсыласына еш мүмкіндік берген жоқ - 6:0. Сағат жарымнан астам уақытқа созылған матчта Бублик 9 эйс жасап, 8 брейк-пойнттың тең жартысын пайдаланды. Осылайша Қазақстан - Швеция матчында есеп теңесті - 1:1. Енді матч тағдыры жұптық кездесуде шешіледі.

Еске сала кетейік, бұдан бұрын Қазақстан мен Швеция кездесетінін, Михаил Кукушкиннің қарсыласынан жеңіліп қалды.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация демеушілері мен серіктестері

Ақпараттық серіктестер