Astana Open: Зарина Дияс ширек финалға шыға алмады

Қазақстандық Зарина Дияс Astana Open WTA 250 турнирінің ширек финалына шыға алмады, деп хабарлайды ҚТФ баспасөз қызметі.

Дүниежүзілік рейтингте 109-орында тұрған З.Дияс екінші айналымда әлемнің 86-ыншы, осы жарыстың 6-ракеткасы, швециялық Ребекка Петерсонмен кортқа шықты. Сағат жарымнан астам уақытқа созылған кездесу барысында швециялық теннисшінің басымдылығы айқын байқалып тұрды. Екі сетте де алға кеткен ол 6:2, 6:2 есебімен жеңіске жетті. Р.Петерсон 1 эйс жасап, 12 брейк-пойнттың тең жартысын пайдаланды. З.Дияс 6 брейк-пойнттың екеуін ғана өз есебіне жаза алды.