Путинцева екінші сетте есепте алда тұрған матчты неге жалғастырудан бас тартқанын айтты

Қазақстандық теннисші Юлия Путинцева Олимпиаданың бірінші айналымында аргентиналық Надия Подороскиге қарсы кездесуді жалғастырудан бас тартты, деп жазады ҚТФ баспасөз қызметі.

«Өте ыстық! Тыныс алуым қиындады. Екінші сеть барасында ойын ырғағына түскен кезде басым ауырды. Дәрігер шақырдым. Ыстықтан қан қысымым көтеріліп кеткен екен. Сондықтан, матчты жалғастырудан бас тарттым», - деді спортшы.

Еске салайық, Путинцева бірінші сетте 6:7 (4) ұтылды. Екінші сетте 3:1 есебімен гейм саны бойынша алда тұрған еді.