Денис Евсеев жұптық сында Санкт-Петербург турнирінің финалына шықты

Д.Евсеев пен К.Кравчук жартылай финалда тағы бір қазақстандық Дмитрий Попко және ресейлік Алексей Ватутинмен кездесуі керек еді. Алайда қарсыластары кортқа шыққан жоқ. Осылайша ойнамастан финалға жолдама алған қазақстандық-ресейлік жұп бас жүлде үшін нидерландылықтар Сэм Вербик – Йеспер де Йонгпен таласады. Финалдық бәсеке сенбі күні болады.

Осы жарыста Д.Попко жекелей сында ширек финалда чехиялық Иржи Лехечкадан 4:6, 4:6 есебімен есе жіберді.