16-30 қаңтар аралығында "10-ға дейінгі теннис" бағдарламасы бойынша семинарлар өтеді

15.01.2021    Оқылғаны: 896
Дереккөз:
Автор:
ҚТФ қолдауымен 2021 жылғы 16-30 қаңтар аралығында Нұр-сұлтан, Шымкент, Алматы және Ақтөбе қалаларында жаттықтырушы-оқытушылар құрамы үшін "10 жасқа дейінгі теннис"бағдарламасы бойынша үш күндік шеберлік сынып семинарлары өтеді. Семинар Қызыл, Қызғылт сары және Жасыл шарларды қолдануға байланысты практикалық ұйымдастыру мен оқытуды, соның ішінде түрлі түсті доптармен ойнаудың техникалық және тактикалық дағдыларын қамтиды. 

Семинарды өткізу үшін балалар теннисі бойынша әлемдегі ең үздік мамандардың бірі, жаттықтырушыларды оқытуда 20 жылдан астам тәжірибесі бар Майк Баррелл шақырылды.

Семинар кестесі:
1. Нұр-сұлтан қ. (16-18.01.2021);
2. Шымкент қ. (20-22.01.2021);
3. Алматы қ. (24-26.01.2021);
4. Ақтөбе қаласы (28-30.01.2021).


"10-ға дейінгі теннис" бағдарламасы балалардың дамуы үшін оңтайлы үш деңгей бойынша құрылымдалған. Деңгейлердің көмегімен дамудың сатылы жүйесі жасалады, бұл ойыншыларға жасына, қабілетіне, сенімділігіне және жарыстарға деген ынтасына сәйкес алға жылжуға мүмкіндік береді. Жаттығу барысында корттың мөлшері, ракетканың ұзындығы, доптың ұшу жылдамдығы және ұтыс ойынының ұзақтығы ойыншы сары допты қолдана отырып, стандартты кортқа ауысуға дайын болғанға дейін өзгереді.

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация демеушілері мен серіктестері

Ақпараттық серіктестер