Жібек Құламбаева Чилидегі WTA 125 турнирінің чемпионы атанды

22.11.2026    Оқылғаны: 55
Дереккөз: ҚТФ баспасөз қызметі
Автор:

Қазақстандық теннисші Жібек Құламбаева Чилидің Колина қаласында өткен WTA 125 санатындағы турнирдің жұптық сынында жеңімпаз атанды.

Отандасымыз жарыста словениялық Вероника Эрьявецпен бірге өнер көрсетті. Екінші нөмірмен тіркелген қазақстандық-словениялық жұп финалда бірінші нөмірлі жұп — украиналық Валерия Страхова мен ресейлік Анастасия Тихоноваға қарсы ойнады.

Шешуші кездесу Құламбаева мен Эрьявецтің пайдасына 6:4, 6:3 есебімен аяқталды. Матч 1 сағат 16 минутқа созылды.

Турнирдегі жеңісі үшін Жібек Құламбаева WTA рейтингінде 125 ұпай иеленді. Жарыс қорытындысы бойынша қазақстандық теннисші әлемдік жұптық рейтингте 78-орынға көтеріліп, жеке мансабындағы ең жоғары көрсеткішін жаңартады деп күтілуде.



Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер