Александр Бублик US Open турнирінің үшінші айналымына шықты

03.09.2026    Оқылғаны: 329
Дереккөз: ҚТФ баспасөз қызметі
Автор:

Қазақстанның ерлер арасындағы жекелей сындағы бірінші ракеткасы Александр Бублик «Үлкен дулыға» санатындағы маусымның қорытынды турнирі — АҚШ ашық чемпионатының (US Open) екінші айналымында жеңіске жетті.

Әлемдік рейтингте 16-орында тұрған және турнирде 15-нөмірмен өнер көрсетіп жатқан қазақстандық теннисші екінші айналымда әлемнің 67-ракеткасы, франциялық Адриан Маннариномен кездесті.

Үш сетке созылған матч Бубликтің 6:3, 6:1, 6:1 есебімен жеңісімен аяқталды.

Теннисшілер хард кортта 1 сағат 22 минут ойнады. Осы уақыт ішінде Александр 16 эйс жасап, үш рет қос қателікке жол берді және 14 брейк-пойнттың алтауын сәтті пайдаланды.

Үшінші айналымда қазақстандық теннисші әлемдік рейтингте 29-орында тұрған америкалық Томми Полмен кездеседі.



Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер