Александр Бублик Кицбюэльдегі ATP 250 турнирінің жартылай финалына шықты

23.07.2026    Оқылғаны: 332
Дереккөз: ҚТФ баспасөз қызметі
Автор:

Қазақстанның ерлер арасындағы бірінші ракеткасы Александр Бублик Аустрияның Кицбюэль қаласында өтіп жатқан ATP 250 санатындағы турнирдің жартылай финалына шықты.

Әлемдік рейтингте 11-орында тұрған және жарыстың бірінші нөмірлі сеяны болған қазақстандық теннисші жартылай финалға жолдама үшін әлемнің 81-ракеткасы, словакиялық Алекс Молчанмен кездесті.

Матч екі сетке созылып, Бубликтің 6:3, 6:2 есебімен сенімді жеңісімен аяқталды.

Теннисшілер кортта 1 сағат 9 минут өткізді. Осы уақыт ішінде Александр 12 эйс жасап, жеті рет қос қателікке жол берді және сегіз брейк-пойнттың төртеуін сәтті пайдаланды.

Финал жолдамасы үшін Александр Бублик әлемдік рейтингте 31-орында тұрған аргентиналық Томас Мартин Этчеверримен кездеседі.



Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер