Жібек Құламбаева Яссыдағы WTA 250 турнирінің финалына шықты
Қазақстандық теннисші Жібек Құламбаева Румынияның Яссы қаласында өтіп жатқан WTA 250 санатындағы турнирдің финалына жолдама алды.
Жібек армениялық Алина Чараевамен жұптасып, жартылай финалда турнирдің бірінші нөмірлі жұбы – бельгиялық Магали Кемпен мен ресейлік Александра Пановаға қарсы ойнады.
Кездесу екі сетке созылып, Құламбаева мен Чараеваның 6:4, 7:6 (7:3) есебімен жеңісімен аяқталды.
Теннисшілер кортта 1 сағат 51 минут өткізді. Осы уақыт ішінде Жібек пен оның серіктесі эйс жасамады, алты рет қос қателік жіберді және иеленген алты брейк-пойнттың бесеуін сәтті пайдаланды.
Осылайша, қазақстандық-армениялық жұп турнирдің финалына шықты. Олардың финалдағы қарсыластары кейінірек анықталады.
Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.
