Тимофей Скатов Уимблдон-2026 іріктеуінің финалына шықты

24.06.2026    Оқылғаны: 339
Дереккөз: ҚТФ баспасөз қызметі
Автор:

Қазақстанның ерлер арасындағы жекелей сындағы үшінші ракеткасы Тимофей Скатов Уимблдон-2026 турнирінің іріктеу кезеңіндегі екінші жеңісіне қол жеткізді.

Әлемдік рейтингте 178-орында тұрған қазақстандық теннисші іріктеудің екінші айналымында әлемнің 185-ракеткасы, швециялық Элиас Имермен кездесті.

Матч екі сетке созылып, Скатовтың 6:4, 6:1 есебімен жеңісімен аяқталды.

Теннисшілер кортта 1 сағат 10 минут өткізді. Осы уақыт ішінде қазақстандық спортшы үш эйс жасап, екі рет қос қателік жіберді және бес брейк-пойнттың төртеуін сәтті пайдаланды.

Осылайша, Тимофей Скатов Уимблдон турнирінің іріктеу кезеңінің финалына жолдама алды. Шешуші матчтағы қарсыласы италиялық Андреа Гуэрриери мен франциялық Кириан Жаке арасындағы кездесудің жеңімпазы болады.

Скатов – Уимблдон-2026 іріктеу турниріндегі Қазақстанның жалғыз өкілі. Ал ерлер арасындағы негізгі жарыс кестесіне Александр Бублик пен Александр Шевченко тікелей жолдама алған.



Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер