Александр Шевченко Братиславадағы Челленджер турнирінің жартылай финалына шықты
Қазақстанның ерлер арасындағы жекелей сындағы екінші ракеткасы Александр Шевченко Словакияда өтіп жатқан Challenger санатындағы топырақ төсенішіндегі турнирдің ширек финалында жеңіске жетті.
Әлемдік рейтингте 97-орында тұрған және жарыстың бірінші нөмірлі ойыншысы атанған қазақстандық теннисші ширек финалда чехиялық Максим Мрвамен (ATP рейтингінде 312-орын) кездесті.
Екі сетке созылған матчта Шевченко 7:6 (11:9), 6:0 есебімен басым түсті.
Кездесу 1 сағат 29 минутқа жалғасты. Осы уақыт ішінде Александр төрт эйс жасап, бір қос қателікке жол берді және брейк-пойнтқа берілген төрт мүмкіндіктің барлығын сәтті пайдаланды.
Осылайша, қазақстандық теннисші Братиславадағы турнирдің жартылай финалына жолдама алды.
Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.
