Тимофей Скатов Шымкенттегі финалда Сергей Фоминге жол берді

25.04.2026    Оқылғаны: 1046
Дереккөз: ҚТФ баспасөз қызметі
Автор:
Шымкенттегі алғашқы ATP Challenger 50 турнирі өз мәресіне жетті. Жеке сынның финалында жарыстың бірінші ракеткасы, қазақстандық Тимофей Скатов (№198 ATP) өзбекстандық Сергей Фоминнен (№359 ATP) жеңіліп қалды.

Бірінші партияда Фомин корттың артқы сызығындағы сенімді ойынының арқасында басымдық танытып, сетті 6:3 есебімен аяқтады. Екінші кезеңде Скатов таразы басын теңестіруге тырысты. Ойын 5:5 есебіне дейін тең дәрежеде өрбігенімен, соңғы геймдерде 25 жастағы өзбекстандық спортшы ширақ қимылдап, жеңісті иеленді – 7:5.

Осылайша, 2021 жылғы Универсиаданың қола жүлдегері Сергей Фомин мансабындағы екінші ATP Challenger титулын жеңіп алды.

Шымкенттегі теннис мерекесі жалғасады: ертең қалада екінші ATP Challenger 50 турнирі басталып, 3 мамырға дейін созылады.
 


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер