Billie Jean King Cup: Қазақстан – Канада. БАҚ өкілдерін аккредиттеу

10–11 сәуір күндері Астана қаласындағы Beeline Arena ұлттық теннис орталығында әлемдік командалық чемпионат – Billie Jean King Cup іріктеу кезеңінің матчы өтеді. Қазақстан әйелдер құрамасы турнирдің финалдық кезеңіне жолдама алу үшін Канада құрамасына қарсы бақ сынайды.

Матч бес кездесуден тұрады: төрт жекелей және бір жұптық ойын. БАҚ өкілдерін осынау маңызды спорттық шараны жария етуге шақырамыз.

ОЙЫНДАР КЕСТЕСІ:
10 СӘУІР (жұма)
14:00 – екі жекелей кездесу
Мекенжайы: Тұран даңғылы 4/2, ҰТО (орталық корт)

11 СӘУІР (сенбі)
13:00 – екі жекелей кездесу және жұптық матч
Мекенжайы: Тұран даңғылы 4/2, ҰТО (орталық корт)

АККРЕДИТТЕУ ТӘРТІБІ:
Аккредиттеуге өтінім беру үшін хатта БАҚ атауын, қызметкердің аты-жөнін және лауазымын міндетті түрде көрсету қажет. Сондай-ақ, қызметкердің фотосуретін (300 dpi, jpg, 4х6 см форматында) қоса жіберуіңізді сұраймыз. Өтінімдер 2026 жылдың 5 сәуіріне дейін (қоса алғанда) ye.doszhanov@ktf.kz электронды поштасы арқылы қабылданады.

МАҢЫЗДЫ АҚПАРАТ:
- Белгіленген мерзімнен кеш жіберілген өтінімдер, сондай-ақ жарнама және букмекерлік агенттіктер өкілдерінің өтінімдері қаралмайды.
- Ұйымдастыру комитеті себебін түсіндірместен аккредиттеуден бас тарту құқығын өзіне қалдырады.

БЕЙДЖДЕРДІ ТАПСЫРУ:
Аккредиттеу бейдждерін 9-11 сәуір аралығында ҰТО-ның аккредиттеу орталығынан алуға болады. Өзіңізбен бірге жеке куәлігіңіз болуы шарт.