Қазақстандық теннисшілер Аустралия ашық чемпионатының іріктеу сайысын сәтті бастады

10.01.2022    Оқылғаны: 1230
Дереккөз: ҚТФ баспасөз қызметі
Автор:
Қазақстандық теннисшілер Аустралия ашық чемпионатының іріктеу сайысын сәтті бастады, деп хабарлайды ҚТФ баспасөз қызметі.

Әлемнің 182-ракеткасы Михаил Кукушкин дүниежүзілік рейтингте 233-орында тұрған босниялық Мирза Башичпен кездесті. Қазақстандық теннисші 6:2, 6:3 есебімен жеңіске жетті. Тағы бір қазақстандық, рейтингте 180-сатыдағы Дмитрий Попко әлемнің 124-ракеткасы, испаниялық Сапата Миральес Бернабемен шеберлік байқасты. Д.Попко қарсыласын 6:1, 7:5 есебімен ұтты. Сондай-ақ рейтингте 257-орындағы Тимофей Скатов әлемнің 150-ракеткасы, франциялық Уго Греньеден айласын асырды - 6:3, 6:2.

Іріктеу сайыстарының финалына шығу үшін М.Кукушкин рейтингте 230-орындағы нидерландылық Робин Хасемен, Д.Попко 990-сатыдағы аустралиялық Филип Секуличпен, Т.Скатов тағы бір аустралиялық, әлемнің 497-ракеткасы Дэйн Суинимен таласады.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.



Федерация серіктестері

Ақпараттық серіктестер