Балабақшадағы теннис: Астанада Baby Tennis алғашқы нұсқаушылары оқытылды

02.05.2025 Оқылғаны: 241
Дереккөз: ҚТФ баспасөз қызметі
Автор:

Beeline Arena ұлттық теннис орталығында үш күн бойы – 28, 29, 30 сәуірде балабақша нұсқаушыларына арналған «Baby Tennis» бағдарламасы бойынша оқыту семинары өткізілді. Барлық қатысушылар — Астана қаласындағы мектепке дейінгі мекемелерден келген 28 маман курсты табысты аяқтап, салтанатты жағдайда сертификаттарын алды.

Еске сала кетейік, биылғы 18 наурызда Қазақстан теннис федерациясы мен ҚР Оқу-ағарту министрлігі Ұлттық ғылыми-практикалық дене тәрбиесі орталығы «Baby Tennis» бағдарламасы аясында ынтымақтастық жөніндегі меморандумға қол қойды.

Бұл курс бірлескен бастаманы жүзеге асырудағы маңызды қадам болды. Бұдан әрі федерация Ұлттық ғылыми-практикалық дене тәрбиесі орталығымен бірге «Baby Tennis» бағдарламасын бүкіл елдегі балабақшаларға енгізуді жоспарлап отыр. Мақсат – баланы ерте жастан белсенді өмір сүруге бағыттап, теннис элементтерімен қызықты сабақтар арқылы спорттық дағды негіздерін қалыптастыру.

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.