Бейбіт Жукаев Мексикадағы турнирдің ширек финалына шықты

Қазақстандық, әлемнің 215-ракеткасы Бейбіт Жукаев Морелия (Мексика) челленджер турнирінің ширек финалына жолдама алды.

Қазақстандық теннисші екінші айналымда әлемнің 176-ракеткасы, бразилиялық Фелипе Мелигени Алвестің мысын басты. Бірінші партияда тай-брейкте Бейбіт шеберлік танытты – 7:6 (7:5). Екінші сетте есеп 3:3 болған мезетте Жұқаев брейк жасап, сол басымдылығын сақтап қалды – 6:4.

Бейбіт жартылай финалға шығу үшін әлемнің 172-ракеткасы, швейцариялық Марк-Андреа Хюслермен кездеседі. 

Қазақстандық, әлемнің 175-ракеткасы Тимофей Скатов Жирона (Испания) челленджер турнирінің екінші айналымына шықты. Доданы іріктеу сайыстарынан бастаған қазақстандық спортшы алғашқы айналымда әлемнің 107-нші, осы жарыстың 3-ракеткасы, Боливия өкілі Уго Дельенмен кездесті. Тимофей Скатов азулы қарсыласын 6:1, 6:3 есебімен ойсырата ұтты.

Тимофей Скатов ширек финалға шығу үшін әлемнің 189-ракеткасы, молдовалық Раду Алботпен шеберлік байқастырады.