Елена Рыбакина жылдың қорытынды турнирінде әлемнің 1-ракеткасын жеңді
Эр-Риядта (Сауд Арабиясы) өтіп жатқан WTA қорытынды турнирінде Қазақстанның бірінші, әлемнің 5-ракеткасы Елена Рыбакина рейтингіде көш басында тұрған Беларусь өкілі Арина Соболенконы ұтты.
Бұл Рыбакинаның өз тобындағы соңғы матчы еді. Осыған дейін екі рет жеңілген қазақстандық теннисші жартылай финалға шығу мүмкіндігінен айырылса да, әлемнің 1-ракеткасымен ойында үздік өнер көрсете білді.
Бірінші партияда Елена 6:4 есебімен басым түссе, екіншісінде А.Соболенко есе қайырды – 6:3.
Үшінші, шешуші сетте Елена айқын басымдылық танытты – 6:1.
Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.
