Париж мастерс турнирі: Бублик әлемнің 14-ракеткасын жеңді

Қазақстанның бірінші, әлемнің 33-ракеткасы Александр Бублик Париж мастерс турнирінің екінші айналымына шықты.

Қазақстандық теннисші алғашқы айналымда әлемнің 14-ракеткасы, америкалық Фрэнсис Тиафомен шеберлік байқасты.

Бублик бір сағаттан астам уақытқа созылған матчта 6:3, 6:4 есебімен жеңіске жетті. Ол осы уақыт ішінде 11 эйс жасап, 4 брейк-пойнттың тең жартысын мүлт жіберген жоқ. 

Александр Бублик 1/8 финалға шығу үшін әлемнің 20-ракеткасы, Чили өкілі Николас Харримен кездеседі.