Елена Рыбакина Ролан Гаррос турнирінің үшінші айналымына өтті

01.06.2023    Оқылғаны: 163
Дереккөз: ҚТФ баспасөз қызметі
Автор:

Қазақстанның бірінші, әлемнің 4-ракеткасы Елена Рыбакина Ролан Гаррос турнирінің үшінші айналымына шықты.

Қазақстандық теннисші екінші айналымда әлемнің 50-ракеткасы, 18 жастағы чехиялық Линда Носковамен шеберлік таластырды.

Бұл олардың кортта алғашқы жолығысуы еді.

Рыбакина матчты брейкпен бастап, 3:1 есебімен алға кетті. Содан кейін тартысты геймде сетті тағы бір брейкпен бітірді – 6:3.

Екінші партияда есеп 4:3 болған мезетте қазақстандық спортшы брейк жасай білді. Ақыры матчқа доп бергенде, өз мүмкіндігін жіберген жоқ – 6:3.

Бір сағат 26 минутқа созылған бәсеке барысында Елена 5 эйс жасап, 10 брейк-пойнттың үшеуін өз есебіне жазды. 

Елена Рыбакина төртінші айналымға шығу үшін әлемнің 38-ракеткасы, хорватиялық Петра Мартич немесе дүниежүзілік рейтингте 132-орында тұрған испаниялық Сара Соррибес-Тормонамен кездеседі.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация серіктестері

Ақпараттық серіктестер