Жібек Құламбаева Сербиядағы турнирде жеңіске жетті

Қазақстандық Жібек Құламбаева жұптық сында Сербияда Куршумлия-Баняда өткен ITF W25 турнирінің жеңімпазы атанды.

Қазақстандық теннисші Польша өкілі Мартина Кубкамен бірге соңғы бәсекеде белоруссиялық Александра Азарко - ресейлік Виктория Бородулинамен шеберлік байқасты.

Құламбаева мен Кубка 6:3, 6:3 есебімен жеңіске жетті.

Осылайша, жұптық сында Жібек Құламбаева ITF додаларында биылғы маусымдағы екінші, спорттық жолында 21-інші трофейіне қол жеткізді. Қазіргі кезде ол жұптық сында әлемдік рейтингіде 198-орында тұр.