Дмитрий Попко мен Михаил Кукушкин Испаниядағы жарыстың ширек финалына өтті

Қазақстандық екі теннисші Испаниядағы Мальорка челленджер турнирінің ширек финалына шықты.

Әлемнің 232-ракеткасы Дмитрий Попко дүниежүзілік рейтингте 275-орында тұрған швейцариялық Леандро Ридльмен кездесті. Қазақстандық теннисші 6:7 (3:7), 6:4, 6:1 есебімен жеңіске жетті. Попко жартылай финалға шығу үшін рейтингте 654-орындағы испаниялық Абедалла Шелбаимен таласады.

Тағы бір қазақстандық Михаил Кукушкин, әлемнің 214-ракеткасы бразилиялық Матеус Пучинелли де Алмейданы ұтты - 6:2, 6:4. Михаил ширек финалдағы қарсыласы - болгариялық Александр Лазаров.