Александр Бублик пен Александр Недовесов жұптық сында АҚШ ашық чемпионатының екінші айналымына өтті

01.09.2022    Оқылғаны: 99
Дереккөз: ҚТФ баспасөз қызметі
Автор:

Қазақстандық теннисшілер жұптық сында АҚШ ашық чемпионатының екінші айналымына шықты.

Александр Бублик даниялық Хольгер Рунемен бірге бастапқы кездесуін америкалықтар Фрэнсис Тиафо - Денис Кудламен өткізді.

Қазақстандық-даниялық жұп 6:2, 3:6, 6:1 есебімен жеңіске жетті. Бублик пен Руне екінші айналымда франциялықтар Кентен Гали - Адриан Маннариномен шеберлік байқасады.

Тағы бір қазақстандық Александр Недовесов пәкстандық Айсам Курешимен бірге алғашқы айналымда аргентиналықтар Томас Мартин Этчеверри - Себастьян Баэсті тізе бүктірді - 6:1, 7:5. Олар екінші айналымда «Үлкен дулыға» турнирінің жұптық сындағы жеңімпазы, сальвадорлық Марсело Аревало - «Үлкен дулығаны» төрт рет ұтқан нидерландылық Жан-Жюльен Ройермен кездеседі.

Қазақстанның жұптық сындағы бірінші ракеткасы Андрей Голубев жарыс жолынан шығып қалды. Ол испаниялық Педро Мартинеспен бірге әлемдегі үздік дуэттердің бірі, германиялық Тим Пюц - жаңазеландиялық Майкл Винусқа есе жіберді - 7:6 (7:4), 2:6, 4:6.


Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.

Федерация демеушілері мен серіктестері

Ақпараттық серіктестер