Андрей Голубев Мюнхен турнирінің жартылай финалына шықты

Голубев франциялық Фабрис Мартенмен бірге ширек финалда сербиялықтар Иван және Матей Шабановтармен шеберлік байқасты. Бірінші партия барысында брейк жасаған қазақстандық-франциялық жұп сол басымдығынан айырылған жоқ, есеп – 6:3. А.Голубев пен Ф.Мартен екінші сетте де брейк жасап, алға шыққанымен, матчқа доп бергенде, сол мүмкіндікті пайдалана алмады, есеп – 5:5. Дегенмен, тағы бір брейк жасап, сосын матчты жеңіспен түйіндеді, есеп – 7:5. Сағат жарымнан астам уақытқа созылған бәсекеде қазақстандық-франциялық жұп 2 эйспен бірге 7 брейк-пойнттың үшеуін пайдаланды.

Андрей мен Фабрис жартылай финалда Рафаэль Матос (Бразилия)/Давид Вега-Эрнандеспен (Испания) кезедеседі.

Тағы бір қазақстандық Денис Евсеев жекелей сында Рим челленджер турнирінің ширек финалына шыға алмады. Ол италиялық Джанмарко Морониге 0:6, 1:6 есебімен жол берді.