19 жастағы қазақстандық Тимофей Скатов ATP 250 турниріндегі алғашқы қадамын жасады

27.10.2020    Оқылғаны: 147
Дереккөз:
Автор: Қазақстан теннис федерациясы
Astana Open турнирінде Тимофей Скатов фин Эмиль Руусувуоримен ойнады.

Скатов негізгі кестеге ұйымдастырушылардан алған уайлд-кард арқасында енген болатын. Ал Руусувуори 1/16 финалға шығу үшін екі іріктеу турниріндегі бірінші кездесуінде  австралиялық Марк Перселланы, екінші кездесуде  серб Виктор Троицкиді жеңген.

Бірінші сет Эмиль Руусувуоридің еншісіне жазылды, ол партияда екі брейк жасады, ал корт иесі қарсыласының доп беруін бір мәрте қайтара алды. Оның өзінде фин спортшысы геймде екі бірдей қателікке жол берген болатын.  Екінші сетте Тимофей Скатов ойын тізгінін өз қолына алуға тырысқан, алайда қарсыласы қолдағы мүмкіндікті толығымен пайдаланып жеңіске жетті: 6:2, 6:0.

- Турнирде шеберлігімді шыңдауға мүмкіндік беріп, уайлд-кард ұсынған Федерацияға алғысым шексіз. Алғашқы қадамым сәтсіз болды, мүмкін жүйкем сыр берген болар. Өкіншіке орай үздік ойын көрсете алмадым. Кей тұста аяғым байланғандай жылдам қимылдамадым, кей тұста тез ойлап шешіп қабылдауға шамам жетпеді. Мен мұнда бірнеше күн болдым, үздік теннисшілермен бірге жаттықтым. Үйрегенім аз емес. Сондықтан келесі жолы жақсы ойын көрсетемін деп ойлаймын, - деді матчтан кейінТимофей Скатов.

Қазақстандық Александр Недовесов пен Андрей Голубев тартысты өткен кездесуде жұптық разрядтың ширекфиналына өту мүмкіндігін уыстан шығарып алды.  
1/8 финалда оларға Австралиядан келген Люк Сэвилл мен Макс Перселл жұбы қарсы шыққан болатын. Олар турнир рейтингінде екінші тұр. Қазақстандықтар әр матч үшін барын салды.

Екі жұпта әдемі ойын өрнегін көрсетті, бірақ автралиялық теннисшілердің шеберлігі бір саты жоғары болғандай. Ширекфиналға Люк Сэвилл мен Макс Перселл өтті. Қорытынды есеп: 6:4, 6:4.

Александр Недовесов пен Макс Перселл  осы турнирдің жекелей сынында да ойнаған, бірақ екуі де іріктеу турнирінен аса алмады. 

Чехиядан келген әлемнің 66-ракеткасы Иржи Весел бүгін әлемнің 48-ракеткасы американдық Теннис Сандргенді 6:4, 7:6  есебімен тізе бүктірді.

Аслан Карацев пен Андреаса Сеппи арасындағы бәсеке турнирдің уайлд-кардына иелік еткен Сеппидің жеңісімен аяқталды -  6:3,1:6,6:3.

Матчтардан кейінгі баспасөз жиындары туралы ақпаратты уақытылы алғыңыз келсе біздің WhatsApp тобымызға қосылыңыз:  
https://chat.whatsapp.com/Ey9lJ5D7zDXC0YFDwMQHQC

ATP 250 «Astana Open» турнирінің бас демеушісі мәртебесінде Beeline компаниясы қатысады. Демеушілер: Forte Bank және Mastercard.
Серіктестер: Нұрсұлтан Назарбаев Халықаралық әуежайы, Terra Motors, Jaguar және Land Rover, Тeсhnodom, Aqua Rossa, Technogym,Нead, ASU.
Ақпараттық серіктестер: Qazaqstan, Qazsport, Setanta, Zakon.kz, Informburo, 31-арна, Forbes.kz, Business FM.

Қазақстан теннис федерациясы
               

Қазақстан теннисінің барлық оқиғаларынан хабардар болыңыз, сайттағы жаңалықтардан ақпарат алыңыз және Instagram, Facebook және YouTube арналарындағы әлеуметтік парақшаларымызға жазылыңыз.